నేర్చుకోండి నాతో-క్విల్లింగ్

ఈ శీర్షికలో నాతో క్విల్లింగ్ (Quilling) అనే పేపర్ క్రాఫ్ట్ -కాగితాలతో చేసే కళాకృతులను నేర్చుకోండి.  ఇది చాలా అందమైన అద్భుతమైన కళ. చాలా సులభంగా చేసేయచ్చు.

క్విల్లింగ్ అంటే: కాగితపు పీలికలను చుట్టలు చుట్టి, అలంటి చుట్టలను వివిధ ఆకృతులలోకి వంచి, మనకు కావలసిన ఆకారంలో/డిజైన్లో అమర్చి, ఒక ఆధారంఫై  (background) అతికించి తయారు చేసే కళ. ఇందులో 3D ఆకృతులు కుడా ఉంటాయి.

ఈ కళ లో పూర్వం క్విల్ అంటే పక్షి ఈకలను (పెద్దవి) ఈ ఆకృతులు  తాయారు చేయటానికి వాడేవారట. అందుకే క్విల్లింగ్ అనే పేరు వచ్చింది. ఈ ఈకలను ఘంటంలా (పెన్ను)  కూడా వ్రాయటానికి ఉపయోగించే వారని మనకు తెలుసుగా. 

ఈ కళని పేపర్ ఫిలిగ్రీ అని కుడా అంటారు.

                పేపర్ క్విల్లింగ్ దీపం 

క్విల్లింగ్ పుట్టు పూర్వొత్తరాలు:

ఈ కళ ఎప్పుడు ఎలా పుట్టిందని ఖచ్హితంగా తెలియదు. కొందరు కాగితం చైనాలో పుట్టింది కాబ్బట్టి అక్కడే క్విల్లింగ్ కూడా పుట్టిందని అంటారు. ఫ్రెంచ్, ఇటాలియన్ నన్నులు/మొన్క్స్ (సన్యాసులు) ఈ కళకి ప్రాణం పోశారు అని అంటారు.

మీకు బంగారం వెండి వంటి ఖరీదైన లోహాలతో ఫిలిగ్రీ వస్తువులను, ఆభరణాలను చేస్తారని తెలుసుకదా. అది చాలా ఖరీదైనది. మన దేశంలో ఇప్పటికి వెండి/ బంగారం ఫిలిగ్రి వస్తువులు, ఆభరణాలు తయారు చేస్తారు. ఇవి అందరికి అందుబాటులో ఉండవు. కేవలం ధనవంతులు మాత్రమే కొని ఆనందిచగలరు.

అందుకని తక్కువ ఖర్చుతో ఈ కళను అందరికి అందుబాటులో ఉండేందుకు ఇనుముతో  చేసేవారట. ఎక్కువగా, బాల్కనీ రైలింగ్స్ గాను, కిటికీలకి , తలుపులకీ - ఐరోపా  దేశస్తులు -ఫ్రాన్సు, ఇటలీ మొ|| వారు  వాడేవారు. అయితే అవి తయారు చేసే ముందు ఇలా కాగితాలతో తయారు చేసి డిజైన్ ఎలా ఉంటుందో అని చూసేవారట. ఇదే తరువాత క్విల్లింగ్ కళగా రుపొందిందంటారు. 

18 వ శతాబ్దంలో ఈ కళ ఐరోపాలోని ధనవంతులైన మహిళలు చాల ఆదరించారని అటు తరువాత అమెరికాకు పాకిందని అంటారు. 

తరువాత ఈ కళను ఆదరించేవారు కరువైయ్యారు.  కాని ఇప్పుడు మళ్లి ఈ కళ ప్రాచుర్యాని పొందుతోంది. వచ్చే టపాలలో ఈ కళకి కావలసిన సామగ్రి, మొదటగా నేర్చుకోవలసిన ప్రాథమిక  ఆకారాలు మొ|| నేర్చుకుందాం.

ఈ కళాకృతులను రంగు రంగుల కాగితపు స్ట్రిప్స్ తో తయారు చేసారంటే నమ్మగలమా ?

మనమూ చేద్దాం వచ్చే టపాలలో .......

మీ...అనామిక....