Friday 6 April 2012

పచళ్ళు -3


పెరుగు పచ్చళ్ళు -2

క్రిందటి టపాలో చెప్పుకున్నవి ఇవి 


మరి కొన్ని పచ్చళ్ళు చెప్పుకుందామా?

1. ఉల్లి పాయతో 

కావలసినవి:
పెరుగు 1 కప్పు 
ఉల్లిపాయ 1
పచ్చి మిర్చి 2
కొత్తిమీర తరుగు 2 tsps
చక్కెర  1/2 tsp
ఉప్పు తగినంత 
పసుపు 2 చిటికెలు 


తాళింపు :
నూనె  1 Tbsp
శెనగ  పప్పు   1 tsp
మినపప్పు     2 tsp
ఆవాలు        1 tsp
జీలకర్ర         1 tsp
ఎండు మిర్చి  1 (ముక్కలుగ తుంచినది)
ఇంగువ       2-3 చిటికెలు

కర్వేపాకు  2  రెబ్బలు 
తయారు చేసే విధానం:
  • ముందుగా తాళింపు  వేసుకుని పెట్టుకోండి. కొద్దిగా చల్లారనివ్వండి
  • ఉల్లిపాయలు, పచ్చి మిర్చి సన్నగా తరిగిపెట్టు కోండి 
  • ఒక  గిన్నెలో పెరుగు  తదితర సామాగ్రి  అంతా వేసుకుని బాగా కలపండి. 
  • తాళింపు  కూడా వేసి కలుపుకుని కొంచెం చల్లపరచి వడ్డించండి. 
ఇలా పచ్చి ఉల్లిపాయ పచ్చడికి తెల్ల ఉల్లిపాయ ఐతే ఎక్కువ ఘాటు ఉండదు. చలువ చేస్తుందని అంటారు. అందుకే వేసవి లో ఈ పచ్చడి ఆరోగ్యానికి మేలు. ఎండా దెబ్బ తగలదు, గాల్పు కొట్టదు అని పెద్దలు చెపుతారు. తెల్ల ఉల్లిపాయ లేకపోతె మాములువి వాడుకోవాలి. 

2  ఇంకొక పద్ధతి: 

తాళింపు వేసుకున్న తరువాత అందు లోనే ఉల్లి తరుగు వేసి గులాబీ రంగు వచ్చే వరకు వేయించు కోండి. ఇలా వేయించేటప్పుడు కొద్దిగా చక్కెర వేస్తె రుచి రంగు రెండూ ఉంటాయి. 

ఇది చల్లారిన తరువాత మిగిలినవన్నీ వేసి కలుపుకోండి.

3 . క్యారట్ తో:

కావలసినవి:
పెరుగు 1 కప్పు 
క్యారట్ పెద్దది  1
పచ్చి మిర్చి 2
కొత్తిమీర తరుగు 2 tsps
చక్కెర  1/2 tsp
ఉప్పు తగినంత 
పసుపు 2 చిటికెలు 


తాళింపు :
నూనె  1 Tbsp
శెనగ  పప్పు   1 tsp
మినపప్పు     2 tsp
ఆవాలు        1 tsp
జీలకర్ర         1 tsp
ఎండు మిర్చి  1 (ముక్కలుగ తుంచినది)
ఇంగువ       2-3 చిటికెలు

కర్వేపాకు  2  రెబ్బలు 
తయారు చేసే విధానం:
  • ముందుగ తాళింపు  వేసుకుని పెట్టుకోండి. కొద్దిగా చల్లారనివ్వండి
  • క్యారట్ కడిగి పై పెచ్చును తీసివేసి, తురుము కోండి 
  • పచ్చి మిర్చి సన్నగా తరిగిపెట్టు కోండి 
  • ఒక  గిన్నెలో పెరుగు  తదితర సామాగ్రి  అంతా వేసుకుని బాగా కలపండి. 
  • తాళింపు  కూడా వేసి కలుపుకుని కొంచెం చల్లపరచి వడ్డించండి. 

క్యారట్ పచ్చిగా ఇష్టం లేని వారు తాళింపు తో కొద్దిగా పచ్చి పోయేంత వరకు వేయించుకుని వేసు కోండి. 

మీ...అనామిక....

2 comments:

Rajendra Devarapalli said...

అనామిక గారు మీ బ్లాగు టపాలు నా www.itzok.in లో రీపోస్టు చేసుకోవచ్చా?మీపేరుతో,మీ బ్లాగుకు లంకెతో.

అనామిక... said...

Sir, you can just mention the post and link back to my blog. Please don't re post the entire content. Thank you for asking me honestly.