పల్లవి -అనుపల్లవి

నీ పైన నాకెంతో అనురాగా ముందని ..నాకెంతో ఇష్టమైన పాట. అందులోని భావం ఎంత మధురంగా వ్రాసారు దాశరథి. చక్రవర్తిగారు సమకుర్చిన స్వర కల్పన అద్భుతం. అంతే తియ్యగా పాడారు బాలు. వెరసి ఒక ఆణిముత్యం.

చిత్రం: అభిమానవతి
తార గణం: కృష్ణ, వాణిశ్రీ
రచన: దాశరథి.
గాయకులూ : యస్. పి. బాలసుబ్రహ్మణ్యం
స్వరకల్పన: చక్రవర్తి

నీ పైన నాకెంతో అనురాగా ముందని (2)
నిను వీడి క్షణమైనా నేనుండ లేనని
ఎలా, ఎలా నీకెలా తెలిపేది ( 2) !! నీ పైన!!

నీలి నింగిలో కోటి తారలు మాలల్లల్లి తేనా
అందమైన ఆ చందమామ నీ కురుల తురుమ వలెనా (2)
అణువణువున నీవే వ్యపించినావని (2)
ఎలా, ఎలా నీకెలా తెలిపేది (2) !! నీ పైన!!

వలపు తెలియని మనసులోనికి ఎందుకోసమని వచ్చావు
మనసు దోచుకుని మమత పంచుకొని మరలి వెళ్లి పోతున్నావు
నిన్నే హృదాయన నిలిపాను నేనని
ఎలా, ఎలా నీకెలా తెలిపేది (2 ) !! నీ పైన!!

మీరు విని ఆనందించండి...

మీ...అనామిక....